స్త్రీలకూ చెప్పబడిన విధులు -౧
మీ శక్తిమేరకు ఇతరులకు సహాయము చేయవలెను అందుకని శక్తిని మించి చేయకూడదు మీకు ఒక కుటుంబము ఉన్నది అది మిమ్ములనే నమ్మి ఉన్నది
ఎల్లప్పుడు హితవునే చెప్పండి పరుషముగా మాటలాడవద్దు. అందకని మీరు హితవే పల్కుతారని పొరుగువారు మిమ్ములను వంచించ కుండా చుసుకోవలెను
మీరు చేసే ప్రతిపని మీ కుటుంబమునకు మంచి పేరు తెచ్చే లాగుండవలెను మీ చర్య కుటుంబ గౌరవమునకు భంగము రాకూడదు
ఏ విషయమందు అతి కూడదు. అతిగా ప్రవర్తిస్తే మనకే బెడిసి కొట్టును
ఏమి మాటలాడు తున్నాము ఏమి చేస్తున్నాము అని యోచన చేసి ప్రవర్తించ వలెను
తన కోపమే తన శత్రువు అని మరువ వద్దు కోపము కుటుంబమును బందుత్వమును దూరము చేయును మీకు కోపము వల్ల మిగిలేది ఒక చెడ్డ పేరే. మీ వ్రత అనుష్టానదుల వల్ల చేకుర్చుకొన్న శక్తి వృధా అవుతుంది విశ్వామిత్రుని గుర్తులో పెట్టుకోండి
అసుయాపరులై పొరుగువారికి హాని కలిగించవద్దు. ఇది పాపహేతువు. తరువాయి కాలంలో మిమ్ములను బాధాపరులను గావించును.
అసత్యము పలుక వద్దు మిమ్ములను చూసి మీ కుటుంబ సభ్యులు అసత్యమాడుటకు మీరే కారకులు అవుతారు
పొరుగు వారిని కటినమైన వాక్కులతో చర్యతో హింసించ వద్దు. కొంపలు ముంచే వారితో స్నేహము వద్దు. ఒకనాడు మీరే వారికి ఎర అయిపోగలరు
ప్రతి పనిని తప్పు పట్టు వారి స్నేహమే వద్దు. ఎదుటి వారిని హింసించడం బాధించడం వద్దు. ఎవరి మీద పగ ప్రతీకారము వద్దు మీకు నచ్చక పొతే మూడడుగులు దురమవండి.
దేశము కాలము గమనించి మాటలాడండి. అధికముగా మాటలు వద్దు. అతి మాటలు మీ శక్తిని హరిస్తుంది.
లోభిగా బ్రతక వద్దు యెంత కావలెను అని యోచించి కొనండి చేతిలో నేడు డబ్బు ఉందని చూసింది అంతా కొనకండి. అవస్యమైనదే కొనుక్కోండి ఇది మీకు డబ్బు ఆదా కలిగించును.
మీ చేతిలో మీ కుటుంబము ఉంది అని మరువ వద్దు మీ సహనత, ముందు చుపుపైన మీ కుటుంబపు ప్రగతి పురోభివృద్ది వుందని మరువవద్దు.
ఒక కుటుంబములో భార్య వల్లనే భర్తకు నిండు తనము కల్గును. పిల్లలకు తల్లి వల్ల మాత్రమె సుఖ సంతోషములు కలుగును. మీ సాహచార్యము సర్వత్ర గొప్పది శ్లాఘనీయము మీ కుటుంబమునకు.
అందువల్లే మీకు హితవులు చెప్పడం మరువవద్దు
రేపు మరికొన్ని చూద్దాము....
No comments:
Post a Comment